Uztailaren 20, astelehena, uztailaren 24, ostirala — 10:00-14:00 

Aspaldidanik, AAEE sektoreko (antzerkia eta dantza) enpresa askok zailtasun handiak dituzte beren ikuskizunak merkaturatzeko. “Merkatu” hitza hitz deserosoa da. Baina hori ukatzeak ez du ezer konpontzen. Beraz, hitz egin dezagun merkatuaz, denok parte hartzen dugun eta denok rol desberdinetatik elkarreragiten dugun trukerako [eskaintza/eskaria] espazio profesional gisa.

Banaketak ezin du izaten jarraitu gainditzeke dagoen ikasgaia, ekoizpen-egituren iraunkortasuna haren mende baitago. Banaketak sorkuntza-prozesuak hasieratik lagundu behar ditu, eta estrategia, baliabideak eta plangintza behar ditu. Ikastaroak gako edo jarraibideak definitzen saiatuko da, oso lehiakorra den merkatu batean berme handiagoarekin jarduteko baliagarriak izan daitezkeenak. Salmenta-kontakizun bat eraikitzeko orduan trebetasunak esnatzeko lan egingo dugu, estrategiak, banaketa-egitura koordinatuak aztertzea, banaketa-materialak ikusaraztea eta abar.

Modu orekatuan konbinatuko ditugu alderdi teorikoak eta praktikoak. Gure errealitatetik hurbil dauden galderak planteatuko ditugu. Adibide propioak eta mailegatuak jarriko ditugu, beti ere ikaskuntza dinamikoa izan dadin, gure prozesuak birpentsatzeko baliagarria, kontrolean, fokuan eta profesionaltasunean hobetuz.

IZEN-EMATEA
Mintegi honek 15 plaza eskaintzen ditu prozesu artistikoetan interesa duten sortzaileentzat. Eskuragarri dauden plazak bete arte eman ahal izango da izena. Horretarako, mezu elektroniko bat bidali beharko da programasydifusion@navarra.es helbide ra, izena, bi abizenak, helbidea, NANa, telefono mugikorra, pos¡ta elektronikoa eta matrikularen zenbatekoa ordaindu izanaren egiaztagiria adieraziz.