es | eu

2022KO UZTAILAK 15 / 31

Erriberriko Antzerki Jaialdiko bi lan-egoitzetarako deialdia, zabalik apirilaren 30era arte

2022ko apirilaren 4, astelehena

Erriberriko Antzerki Jaialdiak gaur, apirilak 4, ireki du, 2022ko uztailaren 15etik 31ra ospatuko den edizioko lan egonaldietarako Nafarroako antzerki taldeek proposamenak aurkezteko epea.

 

Arte eszenikoetako sormen artistikoaren edozein alderdirekin zerikusia duten proiektuak aurkez daitezke ikerketa-laborategi horietan. Proiektuak hezkuntza-atala edo jendearekiko bitartekaritza-programa izatea baloratuko da, baita egindako lanaren aurkezpena izatea ere, konpainiak nahiago duen formatuan (hitzaldia, bideoa, aurkezpena, saiakera irekia, etab.) Erriberriko Antzerki Jaialdiaren 2022ko programaren barruan. Hauek ere baloratuko dira: proiektuaren kalitatea eta deialdiaren xede, helburu eta eremurako egokia izatea; talde artistiko eta teknikoaren egokitasuna; proiektuaren originaltasuna eta etorkizunean eszenaratzeko bideragarritasuna; eta hurrengo denboraldian Nafarroako Foru Komunitateko beste espazio batzuetan ekoizteko eta proiektatzeko egokia izatea.

Egoitzak uztailaren 15etik 31ra bitartean, biak barne, eginen dira, eta bata Erriberrin eta bestea Beiren egingo dira. Jaialdiak erabakiko du bi egoitzak non jarri, eta lanerako toki bat eskainiko du, herri bakoitzeko udalak lagatako lokal batean, zehaztutako ordutegian.

Egoitzek 6.000na euro izanen dituzte gehienez (BEZa barne), Vianako Printzea Erakundea-Kultura Zuzendaritza Nagusiak emanak. Izena emateko epea apirilaren 30era arte izanen da, posta elektronikoz, programasydifusion@navarr.es helbidera; gaian honako hau adieraziko da: Erriberriko egoitzetarako 2022ko deialdia.

Nafarroako arte eszeniko profesionaletako egile edo konpainiek har dezakete parte deialdian; hauek joko dira halakotzat: jarduera ekonomiko nagusia arte eszenikoekin lotuta duten enpresa eta profesionalak, baldin eta hala jasota badago jarduera ekonomikoen gaineko zergan. Forma juridikoa edozein dela ere, Nafarroako Foru Komunitatean garatu behar dute jarduera eta bizilekua edo helbidea izan betiere.

Parte hartuko duten proiektuak batzorde batek hautatuko ditu. Jaialdiko zuzendari artistikoak (María Goiricelaya eta Ane Pikaza) arituko dira batzordeko buru, eta ondokoak kide izango dira: Nafarroako Gobernuko Kultur Ekintza Zerbitzuko zuzendari Lorenzo García, Programa Artistikoen eta Hedapenaren Ataleko buru Marisol Martínez, Nafarroako arte eszenikoen alorrean aitortutako ospea duten bi aditu eta, idazkaritzarako, Kultur Ekintza Zerbitzuko teknikari bat. Bi deialdien erabakia 2022ko maiatzaren 30a baino lehen jakinaraziko zaie interesdunei.

Konpainia egoiliarren lana jakinarazpena jaso eta biharamunetik aurrera hasi ahal izango da. Hala ere, konpainiek jaialdia egiten den bitartean egon beharko dute Erriberrin eta Beiren, zehaztuko den lan-ordutegian.

Vianako Printzea Erakundea-Kultura Zuzendaritza Nagusiak antolatuko du ziklo hau, baldin eta Covid-19k eragindako egungo egoerak Erriberriko 2022 Jaialdia egitea posible egiten badu.

Erriberriko Antzerki Jaialdiko bi lan-egoitzetarako deialdia, zabalik apirilaren 30era arte

Zerrendara itzuli

Bilatzailea

ANTOLATZAILEAK

Nafarroako Gobernua
fundacion_baluarte
Cultura - Kultura

LAGUNTZAILEAK

Erriberriko Udala
Tafallako Udala
Beireko Udala

Geure cookie eta bitartekoenak erabiltzen ditugu helburu hauetarako:

Zure ekipoan instalatzen diren cookieak konfiguratzeko, hautatu ala desautatu cookien aukerak, eta, ondoren, sakatu "Gorde hobespenak" botoia.
"Cookie guztiak onartu" botoian klik egitean, onartu cookie guztiak instalatzea.
Halaber, "cookieak errefusatu" botoiaren bidez, ukatu egiten du horien guztien erabilera.
Klikatu hemen gure Cookie Politikari buruzko informazio gehiago lortzeko.